"Real" bosh murabbiyi Karlo Anchelotti "Liverpul"ga qarshi bo‘lib o‘tgan Chempionlar ligasi final bahsidan (1:0) so‘ng matbuot anjumanida ishtirok etdi.

“Bu qo‘lga kiritgan Chempionlar ligasi kuboklari orasida eng og‘iri bo‘ldi. Ko‘pchilik aynan shu mavsumda uni yutish imkonsiz deb o‘ylagani bizga yordam berdi. Bu bizdagi intilish va ishonchni kuchaytirdi. Shuningdek, jamoada yaxshi muhit yuzaga keltirdik va o‘yinchilarning individual xususiyatlarini kuchaytirdik.

4 ta CHL kubogini yutganimga ishona olmayapman. Bizga og‘ir bo‘ldi. Lekin doim rejaga amalga qildik va chekinmadik. Baxtlimiz, ajoyib yakun. Bugun Alaba, Militao va Mendi yaxshi o‘ynashdi. Kurtua butun mavsumni fantastik o‘tkazdi. Madridga qaytganimdan baxtliman. Yuqori darajadagi mavsumni o‘tkazdik. Peres va futbolchilar ishonch bildirganidan minnatdorman.

Biznikidek ichki muhitni yuzaga keltirish aslida oson ish emas, ammo men uchun bu jamoani boshqarish yengil kechmoqda. O‘yin vaqti kechikkanda eng ko‘p men hayajonlandim. Shogirdlar sezmasin deb xonamga kirib ketdim. Futbolchilarim esa xotirjam edi, ha ular juda ham xotirjam edi. Bu ishonch menga katta yordam beradi.

Oxirgi 4 yilda titul olishga qiynalayotgandim. "Real"ga qaytganim katta omad va imkoniyat bo‘ldi. Hozir xayolimda sovrinlar emas, muxlislar va shogirdlarimning xursandchiligi. Endi ta’tilga chiqamiz, sal dam olish kerak, bu mavsum misli ko‘rilmagan darajada o‘tdi”.