"Реал" бош мураббийи Карло Анчелотти "Ливерпуль"га қарши бўлиб ўтган Чемпионлар лигаси финал баҳсидан (1:0) сўнг матбуот анжуманида иштирок этди.

“Бу қўлга киритган Чемпионлар лигаси кубоклари орасида энг оғири бўлди. Кўпчилик айнан шу мавсумда уни ютиш имконсиз деб ўйлагани бизга ёрдам берди. Бу биздаги интилиш ва ишончни кучайтирди. Шунингдек, жамоада яхши муҳит юзага келтирдик ва ўйинчиларнинг индивидуал хусусиятларини кучайтирдик.

4 та ЧЛ кубогини ютганимга ишона олмаяпман. Бизга оғир бўлди. Лекин доим режага амалга қилдик ва чекинмадик. Бахтлимиз, ажойиб якун. Бугун Алаба, Милитао ва Менди яхши ўйнашди. Куртуа бутун мавсумни фантастик ўтказди. Мадридга қайтганимдан бахтлиман. Юқори даражадаги мавсумни ўтказдик. Перес ва футболчилар ишонч билдирганидан миннатдорман.

Бизникидек ички муҳитни юзага келтириш аслида осон иш эмас, аммо мен учун бу жамоани бошқариш енгил кечмоқда. Ўйин вақти кечикканда энг кўп мен ҳаяжонландим. Шогирдлар сезмасин деб хонамга кириб кетдим. Футболчиларим эса хотиржам эди, ҳа улар жуда ҳам хотиржам эди. Бу ишонч менга катта ёрдам беради.

Охирги 4 йилда титул олишга қийналаётгандим. "Реал"га қайтганим катта омад ва имконият бўлди. Ҳозир хаёлимда совринлар эмас, мухлислар ва шогирдларимнинг хурсандчилиги. Энди таътилга чиқамиз, сал дам олиш керак, бу мавсум мисли кўрилмаган даражада ўтди”.