"Arsenal" yarim himoyachisi Lukas Torreyra "Fiorentina"da qolishni istayotganini aytdi. Eslatib o‘tamiz, futbolchi o‘tgan mavsum "binafsharanglar" tarkibida ijara asosida o‘ynadi va italiyaliklar haligacha urugvaylikning transferini to‘liq amalga oshira olishmagan.

"Mening orzuim "Fiorentina"da qolish, ammo ular "Arsenal" bilan kelishib olishi kerak. Florensiyada o‘zimni juda yaxshi his qilyapman, Italiyada yashashni yaxshi ko‘raman", - deya fikr bildiradi yarim himoyachisi.

Eslatib o‘tamiz, avvalroq "Fiorentina" prezidenti Torreyrani keyingi mavsumda jamoada qoldirish istagini bildirgan edi. Urugvaylik futbolchi oldingi mavsumni ham "Atletiko Madrid"da ijara asosida o‘tkazgan.