"Арсенал" ярим ҳимоячиси Лукас Торрейра "Фиорентина"да қолишни истаётганини айтди. Эслатиб ўтамиз, футболчи ўтган мавсум "бинафшаранглар" таркибида ижара асосида ўйнади ва италияликлар ҳалигача уругвайликнинг трансферини тўлиқ амалга ошира олишмаган.

"Менинг орзуим "Фиорентина"да қолиш, аммо улар "Арсенал" билан келишиб олиши керак. Флоренцияда ўзимни жуда яхши ҳис қиляпман, Италияда яшашни яхши кўраман", - дея фикр билдиради ярим ҳимоячиси.

Эслатиб ўтамиз, аввалроқ "Фиорентина" президенти Торрейрани кейинги мавсумда жамоада қолдириш истагини билдирган эди. Уругвайлик футболчи олдинги мавсумни ҳам "Атлетико Мадрид"да ижара асосида ўтказган.