Turinning "Yuventus" klubi futbolchisi Merix Demiral "Atalanta"ga to‘liq transfer qilinishini istamayapti. Eslatib o‘tamiz, Turkiya terma jamoasi futbolchisi so‘nggi mavsumni Jan Pyero Gasperini qo‘l ostida bergamoliklar safida ijara asosida o‘tkazdi.
Football Italia nashri xabariga ko‘ra, Demiral xizmatlariga Angliya Premyer-ligasining nomi oshkor etilmagan klubi qiziqish bildirmoqda.
Taxminlarga ko‘ra, Antonio Ryudiger va Andreas Kristensensiz qolgan Londonning “Chelsi” futbolchini sotib olishi mumkin. Biroq “ko‘klar”ning Demiralga qiziqishi haqida xabarlar yo‘q.