Туриннинг "Ювентус" клуби футболчиси Мерих Демирал "Аталанта"га тўлиқ трансфер қилинишини истамаяпти. Эслатиб ўтамиз, Туркия терма жамоаси футболчиси сўнгги мавсумни Жан Пьеро Гасперини қўл остида бергамоликлар сафида ижара асосида ўтказди.

Football Italia нашри хабарига кўра, Демирал хизматларига Англия Премьер-лигасининг номи ошкор этилмаган клуби қизиқиш билдирмоқда.

Тахминларга кўра, Антонио Рюдигер ва Андреас Кристенсенсиз қолган Лондоннинг “Челси” футболчини сотиб олиши мумкин. Бироқ “кўклар”нинг Демиралга қизиқиши ҳақида хабарлар йўқ.