Himoyachi Ektor Belyerin yozgi transfer oynasida "Arsenal"ni tark etadi, deb yozdi jurnalist Matteo Moretto.
Manbaga ko‘ra, u ortda qolgan mavsumda ijara asosida harakat qilgan "Betis"ga qaytmoqchi. Shuningdek 27 yoshli ispaniyalik futbolchiga “Fiorentina” ham qiziqish bildirmoqda.
Belyerinning yiliga 4 million yevro maosh oladigan “Arsenal” bilan amaldagi shartnomasi 2023 yilda yakuniga yetadi.
Eslatib o‘tamiz, "Betis" 2021 yilning avgust oyi oxirida "Arsenal"dan Belyerinni ijaraga olgan edi. 2021/22 yilgi mavsumda himoyachi ispan jamoasi safida 32 ta o‘yinda maydonga tushib, 5 ta golli uzatmani amalga oshirgan.