Ҳимоячи Эктор Бельерин ёзги трансфер ойнасида "Арсенал"ни тарк этади, деб ёзди журналист Маттео Моретто.
Манбага кўра, у ортда қолган мавсумда ижара асосида ҳаракат қилган "Бетис"га қайтмоқчи. Шунингдек 27 ёшли испаниялик футболчига “Фиорентина” ҳам қизиқиш билдирмоқда.
Бельериннинг йилига 4 миллион евро маош оладиган “Арсенал” билан амалдаги шартномаси 2023 йилда якунига етади.
Эслатиб ўтамиз, "Бетис" 2021 йилнинг август ойи охирида "Арсенал"дан Бельеринни ижарага олган эди. 2021/22 йилги мавсумда ҳимоячи испан жамоаси сафида 32 та ўйинда майдонга тушиб, 5 та голли узатмани амалга оширган.
