"Real Madrid" klub bilan shartnomasi iyun oyi oxirida yakuniga yetadigan yarim himoyachi Isko bilan xayrlashdi.

30 yoshli ispaniyalik "qaymoqranglilar" safiga 2013 yilda kelib qo‘shilgandi. Yarim himoyachi klub safida 353 o‘yin o‘tkazib, 53 gol urgan va 56 golga assistentlik qilgan.

"Uning namoyish etgan futboli muvaffaqiyatlar va unutilmas lahzalarga to‘la bu uzoq yo‘lni u bilan birga o‘tkazgan barcha madridlik futbolchilarda iz qoldirdi. "Real Madrid" har doim uning uyi bo‘lib qoladi. Unga va butun oilasiga omad tilaydi", - deyiladi klub bayonotida.

Klub, shuningdek, shartnomasi ham iyun oyi oxirida tugaydigan hujumchi Garet Beyl bilan ham xayrlashdi. 2013 yilda “Real”ga o‘tgan 32 yoshli uelslik futbolchi hisobida 258 ta o‘yin, 106 ta gol va 67 ta golli uzatma bor.

"Real Madrid" bu klubning abadiy afsonasiga aylanadigan futbolchi Garetga o‘z sevgi va minnatdorchiligini bildiradi. Klub har doim uning uyi bo‘lib qoladi", - deyiladi klub bayonotida.

Oldinroq Isko "Betis", "Sevilya" yoki "Roma"ga o‘tishi mumkinligi haqida xabarlar tarqalgan edi.