Romelu Lukaku mavsum oralig‘ida "Inter"ga qaytishni istamoqda.

29 yoshli hujumchi transferni amalga oshirishga ahd qilgan. The Telegraph nashri ikkala klubdagi manbalarga tayanib, belgiyalik futbolchining yomon mavsumdan keyin "Chelsi"da qolish niyati yo‘qligini yozmoqda.

Agar transfer kelishilgan bo‘lsa, u dastlab sotib olish sharti bilan ijara bo‘lishi kutilmoqda.

Avvalroq Lukakuning advokati may oyi oxirida "Inter" rahbariyati bilan futbolchining qaytishi mumkinligini muhokama qilgani xabar qilingandi.

Bir yil avval "Chelsi" hujumchi uchun 97,5 million funt (105 million yevro) to‘lagandi.

Londonliklar agar ular maqbul taklif - bir yillik ijara uchun taxminan 20 million funt sterling olishsa, hujumchini qo‘yib yuborishadi. Lukakuning o‘zi maoshini kamaytirishga majbur bo‘ladi.