"Liverpul" "Barselona"dan yarim himoyachi Gavi bilan shartnoma imzolamaydi.

Diario Sport xabariga ko‘ra, ingliz klubi futbolchining amaldagi shartnomasida ko‘rsatilgan 50 million yevro tovon puli to‘lashga tayyor edi, biroq futbolchining atrofidagilarga bosim o‘tkazishdan bosh tortdi.

"Liverpul" Gavi uchun kurashmaslikka qaror qildi, chunki u "Barselona"da qolishni istayotganini biladi.

17 yoshli yarim himoyachi va uning agenti Kataloniya klubidan yangi shartnoma bo‘yicha rasmiy taklif oldi. Yaqin kunlarda shartnoma imzolanishi kutilmoqda. Shu haftada "Barsa" rahbariyati va futbolchi vakillari yangi shartnoma imzolash bo‘yicha yakuniy yig‘ilish o‘tkazishadi.

Gavi yangi shartnoma imzolash orqali asosiy jamoa darajasidagi maosh oladi. Shartnoma Pedri, Ansu Fati, Ronald Araujo va Ferran Torresga o‘xshash 1 milliard yevro tovon pulini o‘z ichiga oladi.

Gavi joriy mavsumda “ko‘k-anorranglilar” safida 46 ta o‘yinda maydonga tushib, 2 ta gol urdi va 5 ta golli uzatmani amalga oshirdi.