Yarim himoyachi Nemanya Matich faoliyatini Italiya chempionatida davom ettiradi.
Jurnalist Janluka Di Marsio xabariga ko‘ra, "Roma" 33 yoshli serb bilan shartnoma imzolaydi. Tomonlar allaqachon hamma narsani kelishib olishgan.
Shartnoma bir mavsumga mo‘ljallangan bo‘lib, uni yana bir yil muddatga uzaytirish imkoniyati mavjud.
Qayd etilishicha, futbolchining bunday qarorga kelishiga bosh murabbiy Joze Mourinyo bilan yana ishlash imkoniyati ta’sir qilgan.
Eslatib o‘tamiz, Matich "Manchester Yunayted"ni erkin agent sifatida tark etdi.
