"Inter" "Chelsi" yarim himoyachisi Ruben Loftus-CHikni o‘z safiga qo‘shib olmoqchi, deya xabar beradi La Gazette Dello Sport.
Manbaning xabariga ko‘ra, Italiya klubi yozgi transfer oynasida futbolchi sotib olish variantini ko‘rib chiqmoqda. "Chelsi" yarim himoyachini 20 million yevroga baholamoqda. “Inter” buncha ko‘p summa to‘lashga tayyor emas, shuning uchun futbolchini ijaraga olishi mumkin.
26 yoshli Loftus-CHik o‘tgan mavsumda “aristokratlar” safida barcha turnirlarda 40 ta o‘yinda maydonga tushib, bitta gol urdi va 5 ta golli uzatmani amalga oshirdi. Uning klub bilan shartnomasi 2024 yilda yakuniga yetadi.