"Manchester Siti" hujumchisi Gabriel Jezus "Arsenal" bilan shaxsiy shartnoma shartlarini kelishib oldi, deb xabar beradi Football Insider.
Manbaga ko‘ra, londonliklar futbolchini klubning muvaffaqiyatli kelajagi uchun muhim futbolchi ekanligiga ishontirishgan.
Biroq, "Manchester Siti"ning futbolchi uchun talab qilayotgan 60 million yevro summasi transferga xalaqit berishi mumkin.
Joriy mavsumda futbolchi “Manchester Siti” safida 41 ta o‘yin o‘tkazib, 13 ta gol urdi va 12 ta golli uzatmani amalga oshirdi.
Uning shartnomasi 2023 yilning iyunigacha amal qiladi. Transfermarkt portali hujumchini 50 million yevroga baholamoqda.