Sky Deutschland xabariga ko‘ra, "Bavariya" hujumchisi Serj Gnabri kelasi yili Premyer-liga jamoasi bilan shartnoma imzolashi mumkin.
Nemis futbolchisi "Bavariya"ning yangi shartnoma taklifini rad etdi. Amaldagi shartnoma bir yildan keyin tugaydi.
26 yoshli futbolchiga da’vogarlar orasida "Real Madrid" va Londonning "Arsenal" klublari bor, biroq futbolchining o‘zi bu yozda Myunxenni tark etmoqchi emas.
Buning o‘rniga, agar "Bavariya" bilan shartnoma uzaytirilmasa, Gnabri 2023 yilda erkin agent sifatida "Manchester Siti"ga o‘tishi mumkin.
2021/2022 yilgi mavsumda u Bundesliganing 34 ta uchrashuvida 14 ta gol urdi va 5 ta golli uzatmani amalga oshirdi.