Sky Deutschland хабарига кўра, "Бавария" ҳужумчиси Серж Гнабри келаси йили Премьер-лига жамоаси билан шартнома имзолаши мумкин.
Немис футболчиси "Бавария"нинг янги шартнома таклифини рад этди. Амалдаги шартнома бир йилдан кейин тугайди.
26 ёшли футболчига даъвогарлар орасида "Реал Мадрид" ва Лондоннинг "Арсенал" клублари бор, бироқ футболчининг ўзи бу ёзда Мюнхенни тарк этмоқчи эмас.
Бунинг ўрнига, агар "Бавария" билан шартнома узайтирилмаса, Гнабри 2023 йилда эркин агент сифатида "Манчестер Сити"га ўтиши мумкин.
2021/2022 йилги мавсумда у Бундеслиганинг 34 та учрашувида 14 та гол урди ва 5 та голли узатмани амалга оширди.
