"Manchester Yunayted" va "Bavariya" klublari "Inter" himoyachisi Denzel Dyumfrisga qiziqish bildirmoqda, deb xabar beradi Calciomercato.

Manbaning xabariga ko‘ra, "neradzurri" rahbariyati futbolchini sotib olish bo‘yicha takliflarni tinglashga tayyor. Avvalroq, "Inter" bosh murabbiyi Simone Indzagi Dyumfris bilan xayrlashish klubga moliyaviy muammolarni hal qilishda yordam berishi mumkin, deb hisoblagandi.

26 yoshli himoyachi o‘tgan mavsumda “Inter” safida 45 ta o‘yinda maydonga tushib, 5 ta gol urdi va 7 ta golli uzatmani amalga oshirdi.