O‘z mashg‘ulotlarini poytaxtda olib borayotgan “Navbahor” FIFA kunlaridan unumli foydalanish maqsadida bugun Toshkent viloyatidagi “Do‘rmon” stadionida Toshkentning “Lokomotiv” jaioasiga qarshi nazorat-sinov bahsini o‘tkazdi. Mazkur o‘yinda jangovar durang – 2:2 hisobi qayd etildi.

Ta’kidlash joizki, har bir bo‘limda har ikki jamoa murabbiylari ikki xil tarkibni maydonga tushirishdi.

Uchrashuvning 1-bo‘limida G‘ulom-Haydar G‘ulomov va Anvarjon Alijonovning gollari evaziga toshkentliklar tanaffusga 2:0 hisobidagi g‘alaba bilan chiqib ketishdi.

Ikkinchi bo‘limda o‘yinda o‘zgartirish yasashga intilgan Samvel Babayan shogirdlari Andrey Sidorov hamda Javohir Husanov tomonidan kiritilgan to‘plar hisobiga yakuniy hisobning jangovar durang - 2:2 ko‘rinish olishini ta’minlashdi.

O‘rtoqlik o‘yini.
“Lokomotiv” – “Navbahor” -  2:2 (2:0)
6 iyun. Toshkent viloyati. “Do‘rmon” stadioni.
Gollar:  G‘ulom-Haydar G‘ulomov (34), Anvarjon Alijonov (45) - Andrey Sidorov (71), Javohir Husanov (85).