Ўз машғулотларини пойтахтда олиб бораётган “Навбаҳор” ФИФА кунларидан унумли фойдаланиш мақсадида бугун Тошкент вилоятидаги “Дўрмон” стадионида Тошкентнинг “Локомотив” жаиоасига қарши назорат-синов баҳсини ўтказди. Мазкур ўйинда жанговар дуранг – 2:2 ҳисоби қайд этилди.

Таъкидлаш жоизки, ҳар бир бўлимда ҳар икки жамоа мураббийлари икки хил таркибни майдонга туширишди.

Учрашувнинг 1-бўлимида Ғулом-Ҳайдар Ғуломов ва Анваржон Алижоновнинг голлари эвазига тошкентликлар танаффусга 2:0 ҳисобидаги ғалаба билан чиқиб кетишди.

Иккинчи бўлимда ўйинда ўзгартириш ясашга интилган Самвел Бабаян шогирдлари Андрей Сидоров ҳамда Жавоҳир Ҳусанов томонидан киритилган тўплар ҳисобига якуний ҳисобнинг жанговар дуранг - 2:2 кўриниш олишини таъминлашди.

Ўртоқлик ўйини.
“Локомотив” – “Навбаҳор” -  2:2 (2:0)
6 июнь. Тошкент вилояти. “Дўрмон” стадиони.
Голлар:  Ғулом-Ҳайдар Ғуломов (34), Анваржон Алижонов (45) - Андрей Сидоров (71), Жавоҳир Ҳусанов (85).