"Bavariya" "Yuventus"da ijara asosida o‘ynayotgan "Atletiko" hujumchisi Alvaro Morataga qiziqish bildirmoqda, deb xabar beradi Calciomercato.
Manbaning xabariga ko‘ra, nemis klubi yozgi transfer oynasida futbolchini sotib olish variantini ko‘rib chiqmoqda. Myunxenliklar tarkibida Morata Robert Levandovskini almashtirishi mumkin.
Oldinroq Morataning transfer huquqini "Yuventus" sotib olmoqchi ekanligi xabar qilingandi.
Futbolchiga "Nyukasl", "Arsenal" va "Barselona" ham qiziqish bildirmoqda.
29 yoshli Morata o‘tgan mavsumda "Yuventus" safida barcha turnirlarda 48 ta o‘yinda maydonga tushib, 12 ta gol urdi va 9 ta golga assistentlik qildi.
Uning "Atletiko" bilan shartnomasi 2023 yilning yoziga qadar mo‘ljallangan.