"Бавария" "Ювентус"да ижара асосида ўйнаётган "Атлетико" ҳужумчиси Альваро Моратага қизиқиш билдирмоқда, деб хабар беради Calciomercato.

Манбанинг хабарига кўра, немис клуби ёзги трансфер ойнасида футболчини сотиб олиш вариантини кўриб чиқмоқда. Мюнхенликлар таркибида Мората Роберт Левандовскини алмаштириши мумкин.

Олдинроқ Моратанинг трансфер ҳуқуқини "Ювентус" сотиб олмоқчи эканлиги хабар қилинганди.

Футболчига "Ньюкасл", "Арсенал" ва "Барселона" ҳам қизиқиш билдирмоқда.

29 ёшли Мората ўтган мавсумда "Ювентус" сафида барча турнирларда 48 та ўйинда майдонга тушиб, 12 та гол урди ва 9 та голга ассистентлик қилди.

Унинг "Атлетико" билан шартномаси 2023 йилнинг ёзига қадар мўлжалланган.