Yevropa futbol assosiasiyalari ittifoqi (UEFA) 2022/23 yilgi mavsum uchun Chempionlar ligasining dastlabki taqvimini e’lon qildi.
Turnirning saralash bosqichi 21 iyun kuni boshlanadi, ushbu bosqichning final o‘yinlari 24 iyun kuni bo‘lib o‘tadi.
Birinchi saralash bosqichi o‘yinlari 5/6 va 12/13 iyul kunlari, ikkinchisi - 19/20 va 26/27 iyul kunlari, uchinchisi - 2/3 va 9 avgust kunlari bo‘lib o‘tadi. Saralash pley-off o‘yinlari 16/17 va 23/24 avgust kunlariga belgilangan.
Chempionlar ligasining guruh bosqichi 6 va 7 sentyabrdan 1 va 2 noyabrga qadar bo‘lib o‘tadi. Pley-off bosqichining 1/16 final uchrashuvlari 14 fevraldan 15 martgacha, chorak final o‘yinlari 11, 12 va 18, 19 aprel kunlari, yarim final o‘yinlari esa 9, 10 va 16, 17 may kunlariga belgilangan.
2021/22 yilgi Chempionlar ligasi finali taxminiy ravishda 10 iyunga belgilangan va u Istanbulda bo‘lib o‘tadi.
Dastlab Istanbul 2020 yilgi finalga mezbonlik qilish uchun tanlangan edi, ammo COVID-19 pandemiyasi tufayli hal qiluvchi bahs Lissabonga ko‘chirilgandi.
