Европа футбол ассоциациялари иттифоқи (УЕФА) 2022/23 йилги мавсум учун Чемпионлар лигасининг дастлабки тақвимини эълон қилди.
Турнирнинг саралаш босқичи 21 июнь куни бошланади, ушбу босқичнинг финал ўйинлари 24 июнь куни бўлиб ўтади.
Биринчи саралаш босқичи ўйинлари 5/6 ва 12/13 июль кунлари, иккинчиси - 19/20 ва 26/27 июль кунлари, учинчиси - 2/3 ва 9 август кунлари бўлиб ўтади. Саралаш плей-офф ўйинлари 16/17 ва 23/24 август кунларига белгиланган.
Чемпионлар лигасининг гуруҳ босқичи 6 ва 7 сентябрдан 1 ва 2 ноябрга қадар бўлиб ўтади. Плей-офф босқичининг 1/16 финал учрашувлари 14 февралдан 15 мартгача, чорак финал ўйинлари 11, 12 ва 18, 19 апрель кунлари, ярим финал ўйинлари эса 9, 10 ва 16, 17 май кунларига белгиланган.
2021/22 йилги Чемпионлар лигаси финали тахминий равишда 10 июнга белгиланган ва у Истанбулда бўлиб ўтади.
Дастлаб Истанбул 2020 йилги финалга мезбонлик қилиш учун танланган эди, аммо COVID-19 пандемияси туфайли ҳал қилувчи баҳс Лиссабонга кўчирилганди.
