"Inter" himoyachisi Alessandro Bastoni "Tottenxem"ga o‘tishi mumkin.
London klubi "neradzurrilar" bilan futbolchining transferi borasida muzokaralar olib bormoqda.
Sky Sports xabariga ko‘ra, "shporlar" bosh murabbiyi Antonio Konte va sport direktori Fabio Paratichi transfer rejalarining aksariyat qismini mavsum boshlanishidan oldin yakunlashmoqchi.
Konte 2020/21 yilgi mavsumda Bastoni bilan "Inter"da ishlagan.
23 yoshli futbolchi o‘tgan mavsum A Seriyada 31 ta o‘yinda maydonga tushib, 1 ta gol va 3 ta golli uzatmani amalga oshirgan.
