"Inter" yarim himoyachisi Matias Vesino "Valensiya"ga o‘tishi mumkin, deya xabar beradi jurnalist Fabrisio Romano.
Manba bergan xabarga ko‘ra, yaqin orada ispan klubini boshqaradigan Jennaro Gattuzo 30 yoshli urugvaylik futbolchini tarkibni kuchaytirish variantlaridan biri sifatida ko‘rmoqda.
Vesino iyul oyi boshida, klub bilan shartnomasi tugagach, “Inter”ni erkin agent sifatida tark etadi. 2021/22 yilgi mavsumda futbolchi Italiya jamoasi safida 23 ta o‘yin o‘tkazib, 1 ta gol urishga erishgan.