"Barselona" yarim himoyachisi Ferran Torres "Real"dan bir necha bor taklif olganini aytdi. 22 yoshli ispaniyalik futbolchi Kataloniya klubiga 2022 yilning 1 yanvarida “Manchester Siti”dan kelib qo‘shilgan edi.

"Men "Real Madrid"ga bir necha bor borishim mumkin edi. Ammo keyin biz bu unchalik to‘g‘ri vaqt emas deb qaror qildik. Bir taklif Jahon chempionatida bo‘lganimda va endigina "Valensiya" tarkibida o‘zimni mustahkamlaganimda keldi. O‘ylaymanki, keyin hammasi yaxshi bo‘ldi.

Qolgan uchta taklif yoshligimda kelgan. Bu yoshda uyga yaqinroq bo‘lish muhimdir. Biz kareramizni oilamiz yonida davom ettirishimiz kerak deb qaror qildik", dedi futbolchi.

Yarim himoyachi o‘tgan mavsumda kataloniyaliklar safida 25 o‘yinda 6 ta gol urdi va 6 ta golli uzatmani amalga oshirdi. Uning klub bilan shartnomasi 2027 yilning 30 iyuniga qadar amal qiladi.