"Liverpul" hujumchisi Takumi Minamino mersisaydliklar klubini tark etishga yaqin turibdi, deb yozadi jurnalist Devid Linch ijtimoiy tarmoqdagi sahifasida.
Manbaga ko‘ra, "Liverpul" yaponiyalik futbolchini yozda 20 million yevro evaziga qo‘yib yuborishga tayyor.
Minamino xizmatlariga "Lids Yunayted", "Sautgempton", "Vulverxempton", "Fulxem" va "Monako" klublari qiziqish bildirmoqda.
Eslatib o‘tamiz, Minamino 2020 yilda "Liverpul"ga o‘tgan edi.
27 yoshli yaponiyalik hujumchi o‘tgan mavsumda Angliya Premyer-ligasida 11 ta o‘yinda maydonga tushib, 3 ta gol urishga muvaffaq bo‘ldi.