"Ливерпуль" ҳужумчиси Такуми Минамино мерсисайдликлар клубини тарк этишга яқин турибди, деб ёзади журналист Девид Линч ижтимоий тармоқдаги саҳифасида.
Манбага кўра, "Ливерпуль" япониялик футболчини ёзда 20 миллион евро эвазига қўйиб юборишга тайёр.
Минамино хизматларига "Лидс Юнайтед", "Саутгемптон", "Вулверхэмптон", "Фулхэм" ва "Монако" клублари қизиқиш билдирмоқда.
Эслатиб ўтамиз, Минамино 2020 йилда "Ливерпуль"га ўтган эди.
27 ёшли япониялик ҳужумчи ўтган мавсумда Англия Премьер-лигасида 11 та ўйинда майдонга тушиб, 3 та гол уришга муваффақ бўлди.
