Shri Lanka terma jamoasi bosh murabbiyi Muhammad Hassan O‘zbekistonga qarshi bo‘lib o‘tgan Osiyo kubogi saralash bahsidan so‘ng o‘z fikrlarini bildirib o‘tdi:

"Bugungi o‘yin va hisobdan qoniqdim. Chunki bizga qarshi Osiyoning gigantlari maydonga tushishdi. O‘zbekiston bizdan ancha kuchliligini bilardik. Lekin oxirigacha rejamizdan chekinmaslikka harakat qildik. So‘nggi daqiqalargacha kurash olib borgan shogirdlarimga rahmat aytmoqchiman. Ayniqsa, bugun darvozabonimiz ajoyib o‘yin ko‘rsatib, bir necha bor xavfli vaziyatlarni bartaraf etdi. Bundan tashqari, shuni alohida aytishim kerak — bu yerdagi muxlislar meni hayron qoldirdi. Bunaqa atmosferada futbol o‘ynash har doim yoqimli hisoblanadi".