Шри Ланка терма жамоаси бош мураббийи Муҳаммад Ҳассан Ўзбекистонга қарши бўлиб ўтган Осиё кубоги саралаш баҳсидан сўнг ўз фикрларини билдириб ўтди:

"Бугунги ўйин ва ҳисобдан қониқдим. Чунки бизга қарши Осиёнинг гигантлари майдонга тушишди. Ўзбекистон биздан анча кучлилигини билардик. Лекин охиригача режамиздан чекинмасликка ҳаракат қилдик. Сўнгги дақиқаларгача кураш олиб борган шогирдларимга раҳмат айтмоқчиман. Айниқса, бугун дарвозабонимиз ажойиб ўйин кўрсатиб, бир неча бор хавфли вазиятларни бартараф этди. Бундан ташқари, шуни алоҳида айтишим керак — бу ердаги мухлислар мени ҳайрон қолдирди. Бунақа атмосферада футбол ўйнаш ҳар доим ёқимли ҳисобланади".