Italiyalik mutaxassis Jennaro Gattuzo "Valensiya"ga o‘tish haqida fikr bildirdi. U ispan jamoasi bosh murabbiyiga aylanadi.

“Men ushbu jamoada ekanligimdan juda xursandman va faxrlanaman. Bu sharafdir. Ertaga matbuot anjumanida "Valensiya"da nimaga erishmoqchi ekanligim haqida gaplashamiz.

Men chindan ham ishlashni xohlayman. Biz juda qattiq mehnat qilamiz", - dedi Gattuzo Marca nashriga bergan intervyusida.

Marca avvalroq Gattuzoning "Valensiya" bilan shartnomasi ikki yilga mo‘ljallanganligini e’lon qilgan edi. Uning maoshi mavsumiga 3 million yevroni tashkil qiladi.