Turinning "Yuventus" klubi Doneskning "Shaxtyor" klubi yarim himoyachisi Mixail Mudrikga qiziqish bildirmoqda, deb xabar beradi Sky Sports Italia.
Manbaning xabariga ko‘ra, Italiya klubi yozgi transfer oynasida futbolchi sotib olish variantini ko‘rib chiqmoqda. Biroq hozircha “Yuve”ning asosiy maqsadi “Sassuolo” yarim himoyachisi Domeniko Berardi.
Avvalroq Mudrik "Bayer"ga o‘tishga yaqin ekani xabar qilingandi.
O‘tgan mavsumda 20 yoshli Mudrik “Shaxtyor” safida barcha musobaqalarda 19 ta o‘yinda maydonga tushib, 2 ta gol urdi va 9 ta golli uzatmani amalga oshirdi. Uning klub bilan shartnomasi 2026 yilning 31 dekabrigacha amal qiladi.
