“Monako” klubi yarim himoyachi Orlyen Tchuameniga o‘rinbosar topdi.
L'Equipe xabariga ko‘ra, "Real Madrid"ga ko‘chib o‘tishi kutilayotgan Tchuameni o‘rniga nomzodlar ro‘yxatida "Palmeyras" yarim himoyachisi Danilo birinchi o‘rinda turibdi.
21 yoshli Danilo o‘tgan mavsumda Braziliya klubi safida barcha turnirlarda 25 ta o‘yinda maydonga tushib, 6 ta gol urdi va 2 ta golli uzatmani amalga oshirdi.
Transfermarkt portali futbolchining narxini 22 million yevroga baholamoqda. Uning "Palmeyras" bilan shartnomasi 2026 yil oxirigacha amal qiladi.
