“Lill” himoyachisi Sven Botman faoliyatini Angliya Premyer-ligasida yoki A Seriyada davom ettirishi mumkin. Bu haqda insayder Fabrisio Romano ma’lum qildi.
Manbaga ko‘ra, Italiya chempioniga aylangan “Milan” va "Nyukasl" klublari himoyachi uchun kurashmoqda. Inglizlar qishki transfer oynasidan buyon futbolchi bilan muzokaralar olib borishmoqda va niderlandiyalik futbolchi uchun kurashda “rossonerilar”dan oldinda. Ular imkon qadar tezroq transferni yakunlamoqchi.
Yanvar oyidagi transfer oynasi tugagandan so‘ng, Botman "Lill" rahbariyatiga yozda jamoani tark etishini aytdi.
Transfermarkt ma’lumotlariga ko‘ra, futbolchining bozor qiymati 28 million yevroni tashkil qiladi.