“Лилль” ҳимоячиси Свен Ботман фаолиятини Англия Премьер-лигасида ёки А Серияда давом эттириши мумкин. Бу ҳақда инсайдер Фабрицио Романо маълум қилди.
Манбага кўра, Италия чемпионига айланган “Милан” ва "Ньюкасл" клублари ҳимоячи учун курашмоқда. Инглизлар қишки трансфер ойнасидан буён футболчи билан музокаралар олиб боришмоқда ва нидерландиялик футболчи учун курашда “россонерилар”дан олдинда. Улар имкон қадар тезроқ трансферни якунламоқчи.
Январь ойидаги трансфер ойнаси тугагандан сўнг, Ботман "Лилль" раҳбариятига ёзда жамоани тарк этишини айтди.
Transfermarkt маълумотларига кўра, футболчининг бозор қиймати 28 миллион еврони ташкил қилади.