Leverkuzenning "Bayer" klubi bu yozda hujumchi Mussa Diabini boshqa jamoaga o‘tishiga yo‘l qo‘ymaydi.
Goal xabariga ko‘ra, klub direktori Simon Rolfes nemis jamoasi kelasi mavsum oldidan Yevropaning bir qator klublari katta qiziqish bildirayotgan 22 yoshli futbolchini sotmasligini aytgan.
"Nyukasl" Diabiga qiziqish bildirayotgan jamoalardan biri.
Futbolchining "Bayer" bilan shartnomasi 2025 yilgacha mo‘ljallangan. Transfermarkt.com portali hujumchini 60 million yevroga baholamoqda.
2021/22 yilgi mavsumda Diabi barcha musobaqalarda 42 ta o‘yinda maydonga tushib, 17 ta gol urdi va 14 ta golli uzatmani amalga oshirdi.