Леверкузеннинг "Байер" клуби бу ёзда ҳужумчи Мусса Диабини бошқа жамоага ўтишига йўл қўймайди.
Goal хабарига кўра, клуб директори Симон Рольфес немис жамоаси келаси мавсум олдидан Европанинг бир қатор клублари катта қизиқиш билдираётган 22 ёшли футболчини сотмаслигини айтган.
"Ньюкасл" Диабига қизиқиш билдираётган жамоалардан бири.
Футболчининг "Байер" билан шартномаси 2025 йилгача мўлжалланган. Transfermarkt.com портали ҳужумчини 60 миллион еврога баҳоламоқда.
2021/22 йилги мавсумда Диаби барча мусобақаларда 42 та ўйинда майдонга тушиб, 17 та гол урди ва 14 та голли узатмани амалга оширди.
