“Barselona” yarim himoyachisi Frenki de Yong “Manchester Yunayted”ga o‘tishga rozi bo‘ldi, deb xabar beradi The Athletic.
Avvalroq futbolchi Kataloniya klubini tark etishni istamasligini bildirgandi. Ammo vaqt o‘tishi bilan niderlandiyalik futbolchi o‘z fikrini o‘zgartirdi, chunki "ko‘k-anorranglilar"ning o‘zlari uni sotmoqchi.
Endi transfer borasida klublar kelishuvi qoldi. "Barselona" 25 yoshli yarim himoyachi uchun 80 million yevro talab qilmoqda. "Manchester Yunayted" 60 million yevro va yana 20 million bonus taklif qilgan, ammo bu taklif rad etilgan.
Kataloniyaliklar 80 million yevro miqdorida belgilangan miqdorni talab qilmoqda.
Bundan tashqari, kataloniyaliklar mankunianliklarga de Yongni sotish borasida faqat 30 iyunga qadar muzokara olib borishlari haqida xabar berishdi.
