“Барселона” ярим ҳимоячиси Френки де Йонг “Манчестер Юнайтед”га ўтишга рози бўлди, деб хабар беради The Athletic.
Аввалроқ футболчи Каталония клубини тарк этишни истамаслигини билдирганди. Аммо вақт ўтиши билан нидерландиялик футболчи ўз фикрини ўзгартирди, чунки "кўк-анорранглилар"нинг ўзлари уни сотмоқчи.
Энди трансфер борасида клублар келишуви қолди. "Барселона" 25 ёшли ярим ҳимоячи учун 80 миллион евро талаб қилмоқда. "Манчестер Юнайтед" 60 миллион евро ва яна 20 миллион бонус таклиф қилган, аммо бу таклиф рад этилган.
Каталонияликлар 80 миллион евро миқдорида белгиланган миқдорни талаб қилмоқда.
Бундан ташқари, каталонияликлар манкунианликларга де Йонгни сотиш борасида фақат 30 июнга қадар музокара олиб боришлари ҳақида хабар беришди.