«Real» himoyachisi Marselo faoliyatini Yevropada davom ettirishni rejalashtirmoqda, deb xabar beradi Marca.

Manbaga ko‘ra, chap qanot himoyachisi Qatar, Birlashgan Arab Amirliklari va Turkiya klublaridan taklif olgan. Uning uchun ustuvor variant Turkiya chempionatiga o‘tish bo‘lib turibdi.

Eslatib o‘tamiz, futbolchining Madrid klubi bilan shartnomasi iyun oyi oxirida yakuniga yetadi.

Marselo 2007 yildan beri «qaymoqranglilar» tarkibida o‘ynab kelmoqda. 34 yoshli braziliyalik poytaxtliklar safida barcha musobaqalarda 545 ta o‘yin o‘tkazib, 38 ta gol urgan va 103 ta golli uzatmani amalga oshirgan.

15 yil ichida u klub bilan 5 marta Chempionlar ligasi kubogini qo‘lga kiritdi va jami 25 ta sovrin to‘plagan holda olti marta Ispaniya chempioni bo‘lgan.