Olimpiya o‘yinlari g‘olibi, Jahon chempioni Bahodir Jalolov professional ringda bugun navbatdagi jangini o‘tkazdi. Unga belgiyalik Jek Mulovayi raqiblik qildi.

Hamyurtimiz jangni o‘ta faol boshlamadi. U aniq taktika asosida raunddan raundga kuchayib borishga intildi. Bahodir 2 va 3-raundlarda kuchli zarbalar bilan raqibini "silkitib" qo‘ygan bo‘lsa, to‘rtinchi raundda biroz xotirjamlikka berildi. Jalolov raqibi bilan ko‘p klinchga kirishgani uchun hakam undan bir ballni olib tashladi.

Bu holat vatandoshimizning jahlini chiqardi va o‘z uslubiga sportcha jahl qo‘shdi. Oltincha bo‘limda sportchimiz raqibini nokdaunga tushirdi. Tanaffus bo‘lib qolgani uchun Jek nokautdan qutulib qoldi. Ammo so‘nggi 8-raundda Jalolov belgiyalik raqibini chuqur nokautga uchratdi.

Natijada Jalolov profringdagi o‘zining 11-jangida 11-g‘alabani qo‘lga kiritdi. Mulovayining mag‘lubiyatlari 3taga yetdi.