"Manchester Yunayted" Dortmundning "Borussiya" klubi yarim himoyachisi Jud Bellingemni o‘z safiga qo‘shib olmoqchi, deya xabar beradi Goal.

Manba bergan xabarga ko‘ra, "Manchester Yunayted" rahbariyati 18 yoshli angliyalik futbolchini yozgi transfer oynasidagi asosiy maqsad sifatida belgilagan.

Avvalroq, "qizil iblislar" "Barselona" yarim himoyachisi Frenki de Yongga ham qiziqish bildirayotgani haqida xabarlar tarqagandi.

Bellingem o‘tgan mavsumda "Borussiya Dortmund" tarkibida 44 ta o‘yinda maydonga tushib, 6 ta gol urdi va 14 ta golga assistentlik qildi.