Fransiyalik yarim himoyachi Pol Pogba tez orada Turinning “Yuventus” klubi bilan uzoq muddatli shartnoma imzolaydi.

Gazzetta dello Sport xabariga ko‘ra, 29 yoshli fransiyalik futbolchi turinliklar bilan yiliga o‘n million yevro maosh, jumladan, sakkiz million yevrogacha bo‘lgan bonuslar bilan to‘rt yillik shartnoma imzolaydi.

Pogbaning “keksa sinyora” bilan shartnomasining umumiy summasi 80 million yevroni tashkil qiladi. Yarim himoyachi erkin agent sifatida "Yuventus"ga o‘tadi.

Pol Pogba o‘tgan mavsumda "Manchester Yunayted" safida 20 ta o‘yinda maydonga tushib, 1 ta gol urdi va 9 ta golli uzatmani amalga oshirdi.