Франциялик ярим ҳимоячи Поль Погба тез орада Туриннинг “Ювентус” клуби билан узоқ муддатли шартнома имзолайди.
Gazzetta dello Sport хабарига кўра, 29 ёшли франциялик футболчи туринликлар билан йилига ўн миллион евро маош, жумладан, саккиз миллион еврогача бўлган бонуслар билан тўрт йиллик шартнома имзолайди.
Погбанинг “кекса синьора” билан шартномасининг умумий суммаси 80 миллион еврони ташкил қилади. Ярим ҳимоячи эркин агент сифатида "Ювентус"га ўтади.
Поль Погба ўтган мавсумда "Манчестер Юнайтед" сафида 20 та ўйинда майдонга тушиб, 1 та гол урди ва 9 та голли узатмани амалга оширди.
