Madridning “Real” klubining braziliyalik himoyachisi Marselo shartnomasi muddati tugashi munosabati bilan iyul oyida jamoani tark etadi. Daily Mail xabariga ko‘ra, braziliyalik futbolchiga "Marsel" va "Fenerbaxche" klublari qiziqmoqda.

Dushanba kuni (13 iyun) "Real Madrid" Marselo bilan xayrlashish marosimini o‘tkazadi. Xayrlashuvda klub prezidenti Florentino Peres ham ishtirok etadi.

Braziliyalik futbolchi 2007 yildan beri "Real" safida to‘p suradi. U 545 ta o‘yinda maydonga tushib, 38 ta gol urdi va 103 ta golli uzatmani amalga oshirdi.

Shuningdek, u 5 marta Chempionlar Ligasi va oltita La Liga sovrinini qo‘lga kiritdi.