Мадриднинг “Реал” клубининг бразилиялик ҳимоячиси Марсело шартномаси муддати тугаши муносабати билан июль ойида жамоани тарк этади. Daily Mail хабарига кўра, бразилиялик футболчига "Марсель" ва "Фенербахче" клублари қизиқмоқда.
Душанба куни (13 июнь) "Реал Мадрид" Марсело билан хайрлашиш маросимини ўтказади. Хайрлашувда клуб президенти Флорентино Перес ҳам иштирок этади.
Бразилиялик футболчи 2007 йилдан бери "Реал" сафида тўп суради. У 545 та ўйинда майдонга тушиб, 38 та гол урди ва 103 та голли узатмани амалга оширди.
Шунингдек, у 5 марта Чемпионлар Лигаси ва олтита Ла Лига совринини қўлга киритди.
