"Manchester Yunayted" "Barselona" yarim himoyachisi Frenki de Yong bilan shartnoma imzolashga yaqin turibdi. The Athletic xabariga ko‘ra, 25 yoshli yarim himoyachining o‘zi ham kelishuvni ma’qullashga yaqinlashmoqda.

"Manchester Yunayted" futbolchi uchun 60 million yevro taklif qilgan. Bonus to‘lovlari ham 10 milliongacha o‘sishi mumkin. "Barsa" bu taklifni rad etdi, ammo klublar muzokaralarni davom ettirmoqda.

De Yong o‘tgan mavsumda kataloniyaliklar safida 46 ta o‘yinda 4 ta gol urdi va 5 ta golga assistentlik qildi.

Yarim himoyachining klub bilan shartnomasi 2026 yilning 30 iyuniga qadar mo‘ljallangan.