"Манчестер Юнайтед" "Барселона" ярим ҳимоячиси Френки де Йонг билан шартнома имзолашга яқин турибди. The Athletic хабарига кўра, 25 ёшли ярим ҳимоячининг ўзи ҳам келишувни маъқуллашга яқинлашмоқда.
"Манчестер Юнайтед" футболчи учун 60 миллион евро таклиф қилган. Бонус тўловлари ҳам 10 миллионгача ўсиши мумкин. "Барса" бу таклифни рад этди, аммо клублар музокараларни давом эттирмоқда.
Де Йонг ўтган мавсумда каталонияликлар сафида 46 та ўйинда 4 та гол урди ва 5 та голга ассистентлик қилди.
Ярим ҳимоячининг клуб билан шартномаси 2026 йилнинг 30 июнига қадар мўлжалланган.