"Bavariya" "Liverpul" bilan hujumchi Sadio Maneni sotib olish borasida muzokaralarni davom ettirmoqda. Myunxen klubi yangi rasmiy taklif tayyorlamoqda, deya xabar beradi insayder Fabrisio Romano.

Oxirgi taklifga ko‘ra, "Liverpul" vinger uchun 30 million funt (taxminan 35 million yevro) + bonuslarni rad etgan.

"Qizillar" sport direktori Julian Vardi Mane uchun 42,5 million funt (50 million yevroga yaqin) talab qilmoqda.

Oldinroq myunxenliklar sport direktori Hasan Salihamidjich Angliyaga uchib, Mersisayd klubi rahbarlari bilan uchrashib, Manening transferi bo‘yicha shaxsan muzokaralar olib borishni rejalashtirayotgani haqida xabar berilgandi.

O‘tgan mavsumda Mane jamoa safida barcha turnirlarda 50 ta o‘yinda maydonga tushib, 23 ta gol urdi va 2 ta golga assistentlik qildi. Hujumchining klub bilan shartnomasi 2023 yilning 30 iyuniga qadar mo‘ljallangan.