"Бавария" "Ливерпуль" билан ҳужумчи Садио Манени сотиб олиш борасида музокараларни давом эттирмоқда. Мюнхен клуби янги расмий таклиф тайёрламоқда, дея хабар беради инсайдер Фабрицио Романо.
Охирги таклифга кўра, "Ливерпуль" вингер учун 30 миллион фунт (тахминан 35 миллион евро) + бонусларни рад этган.
"Қизиллар" спорт директори Жулиан Варди Мане учун 42,5 миллион фунт (50 миллион еврога яқин) талаб қилмоқда.
Олдинроқ мюнхенликлар спорт директори Ҳасан Салиҳамиджич Англияга учиб, Мерсисайд клуби раҳбарлари билан учрашиб, Маненинг трансфери бўйича шахсан музокаралар олиб боришни режалаштираётгани ҳақида хабар берилганди.
Ўтган мавсумда Мане жамоа сафида барча турнирларда 50 та ўйинда майдонга тушиб, 23 та гол урди ва 2 та голга ассистентлик қилди. Ҳужумчининг клуб билан шартномаси 2023 йилнинг 30 июнига қадар мўлжалланган.